要講一間高水準日本風裝修,仲要食物有水準,呢間真係旺角首選,長期爆場
一位難求,唔訂位等好耐先有,想食一定要訂位,謝謝
呢度供應既選擇非常多,有單點,套餐,人多食套餐抵食好多！
講下套餐有咩食先，沙律，前菜，燒蠔，天婦羅，石燒牛扒，鍋物壽喜燒，燒飯團茶漬飯
仲有甜品日本紅豆年糕，酒水另計，但呢度酒又係特色之一，幾十款唔同既日本酒選擇！
單點類：刺身，沙律，日式前菜小吃（和牛他他，炸雞，枝豆等等）
刺身類：　日盛／月盛，空運活魚刺身拚盤／海膽

講返我地食咩先~一人前石板燒 ,分別提供美國安格斯,澳洲M6和牛,日本A5和牛,海鮮盛,或豬肉西冷扒,另加25蚊包沙律,蟹膏飯,湯一碗
我地要左一份250克既$168 安格斯牛扒 ,上既時候已經切好埋
非常方便一件件咁燒,肉質細緻,帶少少脂肪,口感豐富,肉質食落柔嫩,肥美多肉汁,味濃郁
基本上只需要加少許鹽或點少少燒肉汁食已經非常美味,令人垂涎~係好抵食既選擇~
將蟹膏同飯拌勻混埋黎食,加埋牛肉既油香,飯都食多幾口!熱石板食到尾仲係熱既!!
湯同沙律味道唔錯

咁我地另外再叫左2杯特飲同小吃,另外再追加了一個牛肉烏冬
日式炸雞 / 芝麻雞翼 $ 48 +38
青檸SODA /鮮檸檬燒酒SODA $28 +58
和牛鍋燒烏冬麵 $88
呢度食飯你絕對會回想返去日本旅行個感情,好似初戀一樣

炸雞翼,皮炸得香脆金黃,咬開雞翼入面既肉汁仍然非常之多,餐前小吃定伴酒小吃都係一流選擇
香脆滋味,令人停唔到手,直頭好食到想追加

日式炸雞,由於前面雞翼太出色,炸雞反而比下去,皮脆,但肉唔嫩,中間比較乾身,而且細件
相比之下無咩特色~我個人建議要多份芝麻雞翼更好食!!

個檸檬燒酒梳打估佢唔到,先將D檸檬雪成冰,放入杯上,個賣相好浮誇~但我鐘意
燒酒加新鮮酸香清爽既檸檬,加梳打,比起我係日本飲既完全無分別,好大杯好抵飲!!
青檸SODA 抵飲,28蚊一大杯,食咁多咸味重味小吃,解油膩一流,易入口,提神爽快
和牛鍋燒烏冬麵
醬油濃湯,近似壽喜燒湯底,甜甜地有醬油香氣,中間仲有隻半熟蛋,蟹柳,嗚門卷片,和牛片,蔥等
鍋上,食到尾都係熱既,烏冬份量多,吸飽湯料,烏冬係嫩滑中帶少少彈性,一個字正
極速掃清無得剩,和牛片夠曬肥同滑,主食類都幾推薦呢一款

人平均消費$300,記得訂位,推介你飲酒,好多款式,好抵飲
食物水準高,用心,服務好,抵食
旺角彌敦道613號飛達商業中心1樓
1/F, Fee Tat Commercial Centre, 613 Nathan Road, Mong Kok